"RB Leyptsig" va Ispaniya terma jamoasining hujumkor yarim himoyachisi Dani Olmo "Barselona"ning transfer maqsadlaridan biri hisoblanadi.

Kataloniya klubi moliyaviy imkoniyatlar imkon bersa, 26 yoshli futbolchini sotib olishga harakat qiladi. Ayni paytda "ko'k-anorranglilar" rahbariyati futbolchining vakillari bilan muzokaralar olib bormoqda. “Sport” nashri xabariga ko'ra, “Barselona” Olmoning ko'p qirraliligini alohida qadrlaydi. Agar ispaniyalikning transferi amalga oshsa, Xans-Diter Flik uni hujumning deyarli barcha pozitsiyalarida - hujumchi ortida, soxta to'qqizlik va ikkala qanotda ham qo'llashi mumkin bo'ladi.

Dani Olmoning transfer narxi taxminan 60 million evroni tashkil qilishi mumkin – “RB Leyptsig” uning uchun shuncha pul olishni rejalashtirmoqda.