Saudiya Arabistoni klublari "Barselona" vingeri Rafinya Dias uchun kurashni davom ettirmoqda. Jurnalist Fabritsio Romanoning xabariga ko'ra, Saudiya klublari vakillari futbolchining atrofidagilar bilan bog'lanib, avgust oyida transferni amalga oshirish imkoniyati haqida bilishgan.

“Barselona” Rafinyani sotishga ochiq, biroq braziliyalik futbolchining o'zi avvalroq “Kamp Nou”da yana kamida bir mavsum qolib, Xans-Diter Flik boshchiligida o'zini ko'rsatish istagini bildirgan edi. Vaziyat yaqin kelajakda o'zgarishi mumkin.

Ispaniya chempionatining so'nggi mavsumida 27 yoshli Rafinya 28 uchrashuvda 6 ta gol va 9 ta golli uzatmani amalga oshirgan.