"Real Sosedad" yarim himoyachisi Martin Subimendi Angliya Premer-ligasi jamoasiga o'tishga yaqin turibdi.

The Athletic nashri xabariga ko'ra, "Real Sosedad" rahbariyati yarim himoyachining "Liverpul"ga o'tishga rozi bo'lishiga ishonmoqda. Avvalroq "mersisaydliklar" yarim himoyachi uchun 60 million evro miqdoridagi tovon puli to'lashga tayyorligi haqida xabar berilgandi.

25 yoshli Subimendiga avvalroq Kataloniyaning "Barselona" va Londonning "Arsenal" klublari ham qiziqish bildirayotgan edi. Ispaniya chempionatining so'nggi mavsumida yarim himoyachi to'rtta gol urdi va bitta golli uzatmani amalga oshirdi. Futbolchi butun faoliyatini "Real Sosedad"da o'tkazgan.