"Barselona" "Chelsi" markaziy yarim himoyachisi Kerni Chukvuemekani sotib olishi mumkin.

Sport.es nashri xabariga ko'ra, Kataloniya klubi allaqachon londonliklar va 20 yoshli angliyalikning agentlari bilan aloqaga chiqqan. Qayd etilishicha, futbolchining o'zi ham "Barselona"ga o'tishga tayyor.

Chukvuemekaning "Chelsi" bilan shartnomasi 2028 yilning yoziga qadar amal qiladi. Transfermarkt portali futbolchining narxini 15 million evroga baholamoqda.

2023/24 yilgi mavsumda Chukvuemeka barcha musobaqalarda "Chelsi"ning 12 ta o'yinida 2 ta gol urdi va 1 ta golli uzatmani amalga oshirdi.