"Barselona" hujumchisi Vitor Roke bu yozda sotilmaydi. 19 yoshli futbolchi hali Kataloniya klubida o'zini topa olgani yo'q.

Braziliyalik futbolchi "Atletiko Paranaense"dan qo'shilganidan so'ng jamoadagi o'z rolidan norozi edi va forvardning ketishi haqida matbuotda muntazam ravishda mish-mishlar paydo bo'ldi. Jurnalist Xoakim Piera xabariga ko'ra, "Barselona" joriy transfer oynasida Rokeni sotishdan voz kechmoqda.

Katta ehtimol bilan yosh futbolchi ijaraga beriladi. Vitor Rokeni La Liga giganti shu yil boshida 40 million evro evaziga sotib olgandi.