"Liverpul" bosh murabbiyi Arne Slot "Real Sosedad" yarim himoyachisi Martin Subimendining "Enfild"ga o'tmaslik haqidagi qaroriga izoh berdi.

Eslatib o'tamiz, ispaniyalik futbolchi transferdan bosh tortgan va o'z klubi bilan yangi shartnoma imzolagan edi.

"Menimcha, bizning tarkib etarlicha kuchli, shuning uchun uni kuchaytira oladigan futbolchi topish qiyin. Subimendi ulardan biri edi. Afsuski, u o'tmaslikka qaror qildi" - dedi Slot matbuot anjumanida.

Avvalroq Subimendiga Londonning "Arsenal", "Manchester Siti" va Kataloniyaning "Barselona" kabi klublari ham qiziqish bildirgan. Yarim himoyachi hozirgi klubiga sodiq qolishga qaror qildi.