"Liverpul" bosh murabbiyi Arne Slot so'nggi kunlarda "Barselona"ga o'tmoqchi bo'lgan vinger Luis Dias bilan bog'liq mish-mishlarga izoh berdi.

"Uning kelajagi biz bilan bog'liq. Menga so'nggi 10 kun ichida uning bu erda bo'lganini ko'rganim juda yoqdi va o'tgan mavsumda ham. Umid qilamanki, Luis bu mavsumdagi natijalarga katta ta'sir ko'rsatadi", - dedi Slot matbuot anjumanida.

Avvalroq "Liverpul" kolumbiyalik vingerni tovon puli sifatida 60 million evro evaziga qo'yib yuborishga tayyor ekani xabar qilingandi. Dias "mersisaydliklar" jamoasida 2022 yilning yanvaridan, "Portu"dan ko'chib o'tganidan beri o'ynamoqda.