"Barselona" bosh murabbiyi Xans-Diter Flik La Ligadagi debyut uchrashuvida 17 yoshli uchta futbolchiga ishonch bildirgan.

“Ko'k-anorranglilar” Ispaniya chempionatidagi yangi mavsumini “Valensiya”ga qarshi safar o'yini bilan boshladi.

Kataloniyaliklarning asosiy tarkibidan Lamin Yamal, Mark Bernal va Pau Kubarsi o'rin oldi  – har uchalasi ham 17 yoshda edi.

Opta ta'kidlaganidek, zamonaviy tarixda ikkinchi marta (1998/99 yilgi mavsumdan beri) bir jamoa La Liga o'yinida 18 yoshgacha bo'lgan uchta futbolchini maydonga tushirdi.

Birinchi marta bunday holat yaqinda qayd etilgan edi - shu yilning may oyida Yamal, Kubarsi va Ektor Fort bunday natijaga erishgan. O'shanda raqib "Almeriya" edi.