"Barselona" yozgi transfer oynasi yopilgunga qadar himoya chizig'ini kuchaytirmoqchi.

Mundo Deportivo xabariga ko'ra, Kataloniya klubi Leverkuzenning "Bayer" klubi himoyachisi Jonatan Taga ko'z tikkan.

"Ko'k-anorranglilar" allaqachon Ta uchun 20 million evro va yana 5 million bonus taklif qilishgan.

Shu bilan birga, leverkuzenliklar futbolchi uchun 30 million olishga umid qilmoqda. 28 yoshli Taga "Bavariya" anchadan beri qiziqib kelgan.

Biroq "Bayer" o'z raqibini kuchaytirmaslik uchun futbolchini Ispaniyaga qo'yib yuborishni afzal ko'radi.