"Barselona"ning chap qanot himoyachisi Alexandro Balde jamoadoshi Lamin Yamalning iqtidori haqida o'z fikrlari bilan o'rtoqlashdi.

17 yoshli vinger jamoa hujumida muhim rol o'ynaydi. U joriy mavsumda to'rtta o'yinda bitta gol urdi va to'rtta golli uzatmani amalga oshirdi.

"Yamalning muvaffaqiyatlari meni hayratda qoldirmadi. Ikki yil oldin men akamga Lamin tez orada "Barselona" asosiy jamoasiga kirishini aytgandim. Men Yamaldan to'rt yosh kattaman, lekin men endigina 20 yoshdaman. U juda yosh, lekin allaqachon faxriylardek o'ynaydi. Uning yoshida buni qilish aql bovar qilmaydigan narsa", - deya Balde so'zlarini keltiradi Barca Universal.