«Barselona» Leroy Sanega qiziqish bildirmoqda.

Kataloniya klubi germaniyalik yarim himoyachining «Bavariya» bilan shartnomasi yozda nihoyasiga etishini inobatga olgan holda unga qiziqish bildirmoqda, deb xabar beradi "Diario Sport". Sanening o'zi «Bavariya» bilan yangi shartnoma borasida muzokaralar olib bormoqda. Uning ustuvor vazifasi Bundesligada qolish.

«Barsa» hali futbolchiga hech qanday taklif bilan chiqqani yo'q. «Bavariya» bilan shartnoma uzaytirilmasligi va futbolchi erkin agentga aylanishi aniq bo'lgach, u bilan bog'lanishi mumkin.