"Barselona" yarim himoyachisi Gavi jamoadoshi Robert Levandovskining harakatlaridan norozi bo'ldi.

Xans-Diter Flik shogirdlari La Liganing shanba kuni bo'lib o'tgan uchrashuvida "Atletiko Madrid"ga mag'lub bo'ldi (1:2).

36 yoshli polshalik forvard gol urish uchun yaqqol imkoniyatni boy berdi, biroq Gavining shikoyatlari mohiyati boshqacha edi.

Diario Sport xabariga ko'ra, o'yin davomida 20 yoshli yarim himoyachi faxriyga bir necha bor noroziligini bildirgan, chunki u "matraschilar" himoyachilariga etarlicha bosim o'tkazmagan va Kleman Langlega xotirjamlik bilan hujum uyushtirishga imkon bergan.