Hujumchi Neymarning otasi futbolchining "Santos"dan "Barselona"ga o'tganini esladi. Katta Neymarning fikricha, o'sha paytda "Real Madrid"ning futbolchiga taklifi moliyaviy jihatdan ancha foydali bo'lgan.

"Barselona" bilan shartnoma imzolash butunlay Neymarning qarori edi. Mening qo'limda "Barselona" va "Real"dan takliflar bor edi. "Real Madrid"dan taklif uch barobar ko'p bo'lgan. Neymar esa bu yigitlar bilan o'ynashni xohlagani uchun yo'q dedi. Uning orzusi "Barselona"da o'ynash edi", - dedi Neymar da Silva Santos.

Neymar 2013 yildan 2017 yilgacha "Barselona"da o'ynagan. Braziliyalik futbolchi hozirda Saudiya Arabistonining "Al-Hilol" jamoasida to'p tepmoqda.