"Portu" yarim himoyachisi Niko Gonsales yaqin kelajakda "Barselona"ga qaytishi dargumon.

2023 yilning yozida Kataloniya klubi o'z tarbiyalanuvchisini "ajdarlar"ga 9 million evroga sotdi va shartnomaga ustuvor qayta sotib olish bandi va kelajakdagi qayta sotish summasining 40 foizini kiritdi.

Diario Sport xabariga ko'ra, "Barselona" Nikoning muvaffaqiyatidan mamnun, biroq uni sotib olish optsiyasini faollashtirmaslikka qaror qilgan. Buning o'rniga "blaugrana" rahbariyati yarim himoyachining bo'lajak boshqa klubga o'tishidan yaxshigina daromad olishga umid qilmoqda.

Niko Gonsales bu mavsumda “Portu” safida 24 ta o'yinda maydonga tushib, 5 ta gol va shuncha golli uzatmaga mualliflik qilgan.