Daily Mail xabariga ko'ra, agent "Barselona"ning 26 yoshli futbolchisi uchun ehtimoliy transferlarni o'rganishni boshlashi mumkin.

Ta'kidlanishicha, Premer-liga klublari Olmoning "Barsa"dagi holatidan unumli foydalanishni xohlashlari mumkin.

Olmo yozda "RB Leyptsig"dan kataloniyaliklar tomonidan sotib olingan, biroq La Liganing "Barselona"ga nisbatan davom etayotgan moliyaviy cheklovlari tufayli kalendar yili oxirigacha vaqtinchalik shartnoma imzolagan edi. Agar Ispaniya futbol federatsiyasi uning mavsumning ikkinchi qismida ro'yxatdan o'tishini bloklashda davom etsa, futbolchi erkin agent sifatida ketishi mumkin.

Ispaniyalik futbolchiga "Manchester Siti", "Manchester Yunayted" va "Arsenal" kabi klublar qiziqish bildirayotgani aytilmoqda.