"Barselona" bosh murabbiyi Xans-Diter Flik klub rahbarlariga iltimos bilan murojaat qildi. Nemis mutaxassisi jamoaga professional oshpaz topishni so'radi.

Spanish Sport xabariga ko'ra, bir necha hafta oldin "blaugrana" sport direktori Deku va klub dietologi ishtirokida nomzodlar bilan muzokaralarni boshlagan.

Qayd etilishicha, Flik hujumchi Robert Levandovskining shikoyatini olgach, yangi oshpaz topishga qaror qilgan. Sayohatlaridan birida polyak ba'zi taomlar, masalan, tuxumlar tayyorlanishidan shikoyat qildi. Murabbiy Levandovskining fikriga e'tibor qaratdi.