"Manchester Siti" yarim himoyachisi Ilkay Gyundogan "el-klasiko" haqidagi taassurotlari bilan o'rtoqlashdi.

2023 yilning oktyabr oyida yarim himoyachi "Real" darvozasiga gol urgandi - bu gol nemis uchun "Barselona" safidagi birinchi gol bo'lgandi.

Futbolchi 6-daqiqada “el-klasiko”da hisobni ochgan bo'lsa-da, “Los-Blankos” baribir Jud Bellingemning dubli evaziga g'alaba qozongan.

"Bu yoqimli va ajoyib tuyg'u edi, lekin afsuski, biz o'sha o'yinda mag'lub bo'ldik. Men yomon o'ynab, yutqazganimizni his qildim va juda xafa bo'ldim", – dedi futbolchi.