"Barselona" o'zining rasmiy manbalarida "Betis"ga qarshi Ispaniya kubogi 1/8 final uchrashuvi uchun qaydnomasini e'lon qildi.

Ispaniyalik vinger Ansu Fati uchrashuvda maydonga tushmaydi. Futbolchi ketma-ket uchinchi o'yinni o'tkazib yuboradi. Avvalroq kataloniyaliklar bosh murabbiyi Xans-Diter Flik ispaniyalik futbolchini Ispaniya Superkubogi uchun "Atletik" (2:0) va "Real"ga (5:2) qarshi o'yinlar tarkibiga kiritmagandi.

Umuman olganda, Ansu Fati joriy mavsumda "Barselona" safida barcha turnirlarda sakkizta o'yin o'tkazdi. Ularda birorta ham gol urmagan.