"Barselona" - YouTube'dagi eng mashhur futbol klubi bo'ldi. Kataloniyaliklar matbuot xizmati xabar berishicha, "ko'k-anorranglilar" dunyoda birinchi bo'lib o'z klub kanalida 20 million obunachiga ega bo'lishdi.

"Barsa”ning asosiy raqibi “Real Madrid”ning YouTube'dagi kanali 16,3 million obunachiga ega. Ispaniyaning yana bir top-klubi “Atletiko Madrid” mashhur platformada 3,9 million obunachisi bor.

Ispaniya chempionatining 19-turidan keyin “Barselona” turnir jadvalida uchinchi o'rinda bormoqda. Xans-Diter Flik shogirdlari peshqadam “Atletiko Madrid”dan 6 ochko ortda qolmoqda.