"Real Madrid" rahbariyatida italiyalik mutaxassis Karlo Anchelotti kelajakda "Los Blankos" bosh murabbiyi bo'lishi borasida shubhalar kuchaymoqda. Bu haqda Relevo xabar bermoqda.

Manbaga ko'ra, "Qirollik klubi" rahbariyatining bir qismi "Real"ning "Milan" bilan Chempionlar ligasi o'yinidagi mag'lubiyati (1:3) va Ispaniya La Ligasi doirasida "Barselona" bilan o'yindagi yirik mag'lubiyat (0:4) dan so'ng Anchelottiga ishonishni to'xtatgan. "Qaymoqranglilar" Ispaniya Superkubogi finalida "ko'k-anorranglilar"ga mag'lub bo'lgach (2:5) Anchelotti ishidan norozilik kuchaydi.

Ta'kidlanishicha, agar ispan grandi Chempionlar ligasi pley-off bosqichiga chiqa olmasa, u "deyarli" ishdan bo'shatiladi. Anchelotti o'rniga bu lavozimda vaqtinchalik "Real Madrid" direktori Santyago Solari ishlab turadi. Shu bilan birga, "Qirollik klubi" prezidenti Florentino Peres hozirda "Bayer"ni boshqarayotgan Xabi Alonsoning yaqin orada jamoani boshqarishini hamon istaydi.