"Barselona" La Liganing so'nggi 8 o'yinidan 7 tasida ochko yo'qotdi.

Xansi Flik shogirdlari bugun 20-turda "Xetafe" bilan 1:1 hisobida durang o'ynadi.

10 noyabrdan buyon kataloniyaliklar chempionatda faqat "Malorka"ni (5:1) mag'lub eta olishdi. Bu vaqt ichida ular to'rtta mag'lubiyat va uchta durangga ham ega bo'lishdi.

"Barselona" 39 ochkoga ega va turnir jadvalida uchinchi o'rinda, peshqadam "Atletiko"dan 5 ochko, ikkinchi o'rindagi "Real"dan 4 ochko ortda qolmoqda ("qirollik klubi"ning bir zaxira o'yini bor).

26 yanvar kuni "blaugrana" "Valensiya" bilan uchrashadi.