Ronald Arauxo "Barselona" bilan shartnomasini besh yarim yilga uzaytiradi.

Urugvaylik himoyachining klub bilan tuzgan yangi shartnomasi 2030 yilning iyuniga qadar mo'ljallangan, deb xabar beradi Marca. Pedri ham xuddi shu muddatga shartnoma imzolashi kutilmoqda.

"Ko'k-anorranglilar" sport direktori Deku futbolchilar vakillari bilan kelishuvga erishdi. "Barselona" yangi shartnomalar imzolanganini yaqin kunlarda rasman e'lon qiladi, ehtimol transfer oynasi 3 fevral kuni yopilgunga qadar.

Arauxo Kataloniya klubi safida barcha musobaqalarda 5ta o'yin o'tkazgan holda jarohati tufayli joriy mavsumning katta qismini o'tkazib yubordi.

Pedri joriy mavsumda barcha turnirlarda 31 ta o'yinda maydonga tushib, 4 ta gol urgan.