Markus Reshfordning "Barselona"ga o'tish imkoniyati "kun sayin kamayib bormoqda".

Bu haqda Sky Sports jurnalisti Melissa Reddi xabar berdi.

Sport direktori Deku hafta o'rtalarida kataloniyaliklarning ustuvor vazifasi Pedri va Gavi, shuningdek, bugun yangi shartnomalar imzolagani aytilayotgan Ronald Arauxo va Jerar Martin bilan shartnomalarni uzaytirish ekanligini aniq aytdi.

"Barselona" "Manchester Yunayted" hujumchisini sotib olish uchun ba'zi futbolchilari bilan xayrlashishi kerak. Variantlar Erik Garsiya va Ansu Fatining sotilishi bilan bog'liq edi, ammo birinchisi "Komo"ga o'tishdan bosh tortdi, ikkinchisi ham qishda "ko'k-anorranglilar" safini tark etishni istamaydi. Fati uchun hali jiddiy takliflar bo'lgani yo'q.

Joriy mavsumda Reshford APLda 15 ta o'yinda maydonga tushib, 4 ta gol urdi.