Pedri kasallik tufayli "Valensiya"ga qarshi o'yinni o'tkazib yuborishi mumkin.

«Mundo Deportivo» xabariga ko'ra, "Barselona" yarim himoyachisi diareya va qusish bilan kechadigan kasallikka chalingan. U bugungi o'yin uchun tarkibga kiritilmasligi ehtimoli bor.

Bugun kataloniyaliklar Ispaniya chempionatining 21-turi doirasida "Valensiya"ni qabul qilishadi. Uchrashuv Toshkent vaqti bilan 01:00 da bo'lib o'tadi.

Pedri joriy mavsumda La Ligada 20 ta o'yinda maydonga tushib, 4 ta gol urdi va 2 ta golli uzatmani amalga oshirdi.