"Barselona"ning 21 yoshli ispaniyalik hujumkor yarim himoyachisi Fermin Lopes "Barselona"ning sobiq hujumchisi Boyan Krkichdan keyin bir o'yinda to'rtta golda ishtirok etgan eng yosh futbolchiga aylandi. Eslatib o'tamiz, futbolchi La Liganing 21-turidan o'rin olgan "Valensiya" bilan o'yinda u ikkita gol urdi va ikkita golli uzatmani amalga oshirdi.

«Opta Sport» xabariga ko'ra, Lopes 21 yoshu 260 kunligida kechagi o'yinda 2+2 natija qayd etgan. Krkich 2008 yilning 23 martida La Liganing 29-turidan o'rin olgan "Valyadolid"ga qarshi o'yinda (4:1) ikkita gol urgan va ikkita golli uzatmani amalga oshirgandi. U o'shanda 17 yoshu 208 kunlik edi.

21-turdan so'ng "Barselona" Ispaniya chempionati turnir jadvalida uchinchi o'rinda bormoqda.