"Milan"ning qaysi futbolchini Joau Feliks transferidan oldin qishki transfer oynasida taklif qilmoqchi bo'lganligi ma'lum bo'ldi. Bu haqda jurnalist Luis Roxo xabar bermoqda.

Manbaga ko'ra, "Milan" "Barselona" hujumchisi Ferran Torresni o'z safiga qo'shib olishga uringan, biroq kataloniyaliklar "rossoneri" bilan muzokaraga ham kirishmagan, shu sababdan Italiya jamoasi "Chelsi"dan Joau Feliksni ijaraga olishga e'tibor qaratgan.

Joriy mavsumda 24 yoshli Torres barcha turnirlarda 24 ta o'yin o'tkazib, 7 ta gol urdi va 3 ta golli uzatmani amalga oshirdi.