"Barselona" darvozaboni Mark-Andre ter Shtegenning tizzasidagi jiddiy jarohatidan tiklanish jarayoni dastlab kutilganidan tezroq davom etmoqda.

Manbaga ko'ra, nemis futbolchisi "ko'k-anorranglilar" murabbiylar shtabiga Ispaniya Primerasining so'nggi beshta o'yini, shuningdek, Chempionlar ligasining yarim final o'yinlarida ishtirok etishga tayyorligini ma'lum qilgan.

32 yoshli futbolchi Ispaniya chempionatining 6-turidan o'rin olgan o'yinda jarohat olgandi.