"Barselona" yarim himoyachisi Pedri jamoa bosh murabbiyi Xans-Diter Flik bilan ilk suhbatini esladi.

Germaniyalik mutaxassis o'tgan yozda "ko'k-anorranglilar"ni qabul qilib olgandi.

"Flik bilan birinchi suhbatim qiyin kechdi. Men ingliz tilini yaxshi bilmayman, lekin biz baribir kelishib oldik. U mendan nima istashini aytdi va men talab qilinadigan darajaga erishish uchun ishlashim kerakligini bilardim," - deya 22 yoshli Pedrining so'zlarini keltiradi Barca Universal.