«Barselona» bosh murabbiyi Hans-Diter Flik «Atletiko»ga qarshi o'yindan so'ng o'z fikrlarini bildirib o'tdi. Ispaniya Kubogi yarim finali birinchi uchrashuvida jamoalar 4:4 hisobida durang o'ynadilar.«Natijadan hafsalam pir bo'ldi, chunki ikkita gol o'tkazib yuborgandan keyingi o'yinimiz… Biz ko'p imkoniyatlar yaratdik. Ammo so'nggi daqiqalarda raqib darvozasi oldida ko'p vaziyat qo'lga kiritganimizga qaramay, o'z darvozamiz oldida ham juda ko'p xatolarga yo'l qo'ydik. «Atletiko» juda kuchli jamoa.Bizda g'alaba qozonish uchun ajoyib imkoniyatlar bor edi. Endi jamoa bilan o'tkazib yuborilgan gollar borasida muhokama qilib olishimiz kerak. Umid qilamanki, bugungi xatolarni to'g'rilay olamiz. Jamoamiz yosh va ularning hali rivojlanish imkoniyatlari juda katta», – dedi Flik.