"Milan" hujumchisi Rafael Leau "Barselona" nishonlaridan biri bo'lib qolmoqda.

Kataloniya grandi vakillari portugaliyalik uchun ehtimoliy bitim haqida ma'lumot so'radi, deya xabar bermoqda insayder Nikolo Skira. Rasmiy muzokaralar hali boshlanmadi, gap faqat qiziqish haqida ketmoqda. Avvalroq, 25 yoshli futbolchi Saudiya Arabistonidan kelgan foydali taklifni rad etgandi.

Rafael Leauning "Milan" bilan shartnomasi 2028 yilning yarmigacha mo'ljallangan. Shartnomada 175 mln evro miqdoridagi tovon puli bandi ko'rsatilgan, biroq Evropa klublari uni faollashtirishga imkoni etmaydi.