"Barselona" yarim himoyachisi Mark Kasado jamoasi safidagi ilk golini urdi. 21 yoshli futbolchi La Liganing yakshanba kuni bo'lib o'tgan o'yinida "Real Sosedad" darvozasiga gol urib, hisobni 2:0 ko'rinishiga keltirdi. Kataloniyaliklar yirik hisobda g'alaba qozonishdi (4:0) va 26 turdan keyin turnir jadvalini o'z nazoratiga olishdi.

"To'g'risini aytsam, bunday gol urishni kutmagandim. Hammasi sekin harakatdagidek edi. Golni nishonlash paytida xayolimga kelgan yagona narsa gerbni o'pish edi. Hech kim menga bu haqda hech narsa demadi, chunki hech kim gol urishimni kutmagandi" - dedi Kasado o'yindan keyin bergan intervyusida.