"Aston Villa" o'z tarkibini kuchaytirish imkoniyatlarini o'rganmoqda. "TodoFichajes" portalining xabar berishicha, Birmingem klubining yozgi transferlar uchun asosiy nishoni "Barselona" hujumchisi Ferran Torres bo'lib turibdi. "Villa" bosh murabbiyi Unai Emeri Torresni jamoa hujum chizig'ini kuchaytira oladigan futbolchi sifatida ko'rmoqda.

"Aston Villa" Torresni 2023 yildan beri kuzatib kelmoqda va allaqachon uni o'z safiga qo'shib olishga urinib ko'rgan, ammo bu borada muvaffaqiyatga erisha olmagan. Birmingemliklar kelasi yozda 25 yoshli Ferran uchun taxminan 40 million evro taklif qilishadi.

2024/2025 yilgi mavsumda Ferran Torres 29 ta o'yinda maydonga tushib, 11 ta gol urdi va sheriklariga 3 ta golli uzatmani amalga oshirdi.