Lamin Yamalning agenti Jorje Mendesh va Joan Laporta ishtirok etgan "Barselona" vakillari o'rtasida bo'lib o'tgan uchrashuvdan so'ng tomonlar 17 yoshli yulduz vinger uchun yangi shartnoma borasida kelishib olishgan ko'rinadi.

"Lamin Yamal, albatta, "Barselona" bilan yangi shartnoma imzolaydi. Bu kafolatlangan. Bugun biz faqat Lamin haqida gaplashdik, u yangi uzoq muddatli shartnoma oladi", - deydi Mendesh.

Yamalning "Barselona" bilan yangi shartnomasi 2030 yilning yoziga qadar imzolanishi kutilmoqda. Uning klub bilan amaldagi shartnomasi 2026 yilning iyun oyi oxirigacha amal qiladi.