UEFA Chempionlar ligasi 2024/2025 mavsumining 1/8 final bosqichidan o'rin olgan ilk javob uchrashuvi yakunlandi. Unda Kataloniyaning «Barselona» jamoasi Lissabonning «Benfika» klubiga qarshi bahs olib bordi. O'yin Ispaniyaning Barselona shahridagi «Olimpik Lyuis Kompanis» stadionida bo'lib o'tdi. «Barselona» 3:1 hisobida g'alaba qozondi. Shu tariqa, ikki o'yin natijasiga ko'ra (4:1) kataloniyaliklar Chempionlar ligasining 1/4 finaliga yo'l oldi.  Uchrashuvdagi hisob 11-daqiqada «Barselona» yarim himoyachisi Rafinya tomonidan ochildi. Unga Lamin Yamal assistentlik qildi. 13-daqiqada Nikolas Otamendi burchak zarbasidan so'ng hisobni tenglashtirdi. 27-daqiqada Lamin Yamal chiroyli zarba bilan «Barsa»ni yana oldinga olib chiqdi. 42-daqiqada esa Rafinya o'z dublini rasmiylashtirdi.  Eslatib o'tamiz, «Benfika» pley-offga chiqish uchun saralash bosqichida «Monako» klubini mag'lub etgandi. «Barselona» esa guruh bosqichini muvaffaqiyatli yakunlab, to'g'ridan-to'g'ri 1/8 finalga yo'l olgan. 1/8 finalning birinchi uchrashuvida «Barsa» 1:0 hisobida g'alaba qozongan edi.EChL, nimchorak final, javob o'yini"BARSELONA" - "BENFIKA" - 3:1Gollar: Rafinya, 11 (1:0). Otamendi, 13 (1:1). Yamal, 27 (2:1). Rafinya, 42 (3:1).

Dastlabki o'yin — 1:0