"Barselona" hujumchisi Rafinya Chempionlar Ligasi 1/8 final javob o'yinida "Benfika"ga qarshi kechgan bahs (3:1) haqida fikr bildirdi.

"Biz o'ynaydigan har bir turnirda g'oliblikka da'vogarlik qilamiz. Biz bugun aynan qanday o'ynashimiz kerakligini juda aniq tushundik. O'ylaymanki, biz buni a'lo darajada uddaladik. Ayniqsa, birinchi bo'limda. Men uchun eng muhimi - butun jamoaning muvaffaqiyati. Jamoa shifokori Karles Minyarro vafoti tufayli qiyin kunlar bo'ldi, ammo bularning barchasi bizga yanada ko'proq kuch va g'alaba qozonish kayfiyatini berdi," - deya Rafinyaning so'zlarini keltiradi UEFA matbuot xizmati.