"Barselona" vingeri Lamin Yamal futboldagi ikki asosiy orzusini aytdi. 17 yoshli futbolchi "ko'k-anorranglilar" bilan Chempionlar ligasida, Ispaniya terma jamoasi bilan esa jahon chempionatida g'olib chiqmoqchi.

"Barselona" bilan Chempionlar ligasi va Ispaniya terma jamoasi bilan jahon chempionatida g'olib chiqish - mening eng katta orzularimdan ikkitasi," - dedi Yamal AS nashriga bergan intervyusida.

Eslatib o'tamiz, o'tgan yozda Lamin Yamal Ispaniya terma jamoasi safida Evropa chempionligini qo'lga kiritgan edi.