"Barselona" va Ispaniya terma jamoasi hujumchisi Ferran Torres Lamin Yamal haqidagi fikrlari bilan o'rtoqlashdi.

Hujumchining so'zlariga ko'ra, uning 17 yoshli jamoadoshi va terma jamoadoshi Lionel Messi bilan taqqoslashlarga unchalik e'tibor bermaydi.

"Lamin bu bosimdan xabardormi yoki yo'qmi, bilmayman. Shunchaki uning o'yinini kuzatish kerak. Maydonda u xuddi maktabda yoki hovlida o'ynayotgandek harakat qiladi. Umid qilamanki, bu o'zgarmaydi," - deya Torresning so'zlarini keltiradi Barca Universal.