"Barselona" bosh murabbiyi Xans-Diter Flik La Liga doirasidagi "Osasuna"ga qarshi o'yinda Erik Garsiya, Fermin Lopes va Ferran Torresni ilk daqiqalardan maydonga tushirishni rejalashtirmoqda.

O'yin 27 mart, payshanba kuni bo'lib o'tadi. Ba'zi futbolchilar - masalan, Rafinya Dias va Ronald Arauxo terma jamoalar o'yinlaridan keyin tiklanishga ulgurmaydi, shuning uchun "ko'k-anorranglilar" tarkibida o'zgarishlar bo'ladi.

Mundo Deportivo xabariga ko'ra, markaziy himoyachi Erik Garsiya va yarim himoyachi Fermin Lopes "Osasuna"ga qarshi maydonga tushishi kutilmoqda. Xuddi shu narsa Ferran Torresga ham tegishli, u markaziy hujumchi pozitsiyasida ham, hujum qanotlarida ham o'ynay oladi.