"Barselona" bosh murabbiyi Xans-Diter Flik yarim himoyachi Dani Olmo o'rniga eng yaxshi variantni tanlamoqda. 26 yoshli futbolchi kecha La Liga doirasida "Osasuna"ga qarshi o'yinda (3:0) jarohat olgandi. Keyinroq ma'lum bo'lishicha, ispaniyalik futbolchi taxminan uch haftani o'tkazib yuboradi.

Mundo Deportivo nashri xabariga ko'ra, Flikda Olmoni bo'lajak o'yinlarda almashtirish uchun uchta variant bor: Gavi, Fermin Lopes va Pablo Torre. 30 mart, yakshanba kuni “ko'k-anorranglilar” o'z uyida “Jirona”ni qabul qiladi, uch kundan so'ng esa “Atletiko”ga qarshi Ispaniya kubogi yarim finali javob o'yini uchun Madridga yo'l oladi.

Dani Olmo ushbu mavsumda 28 o'yinda 8 gol va 5 golga assistentlik qildi.