"Barselona" o'z maydonida Ispaniya La Ligasining 29-turida "Jirona"ni mag'lub etdi - 4:1.

"Barselona" 43-daqiqada Ladislav Kreychining avtogoli evaziga hisobda oldinga chiqib oldi. Ikkinchi bo'lim boshida mehmonlar safida Arno Gruneveld gol urdi.

Robert Levandovskining dubli kataloniyaliklarni ishonchli hisobda oldinga olib chiqdi. 61 va 77-daqiqalarda polyak o'z hisobiga gol yozdirib qo'ydi. 86-daqiqada Ferran Torres hisobni yirik ko'rinishga olib keldi.

"Barselona" (66) ketma-ket to'qqizinchi g'alabasini qo'lga kiritdi va la ligada peshqadamlikni davom ettirmoqda. Hans-Diter Flik jamoasi yana "Real"ni 3 ochkoga ortda qoldirdi.

"Jirona" (34) qatorasiga ettinchi o'yinda g'alaba qozona olmadi va turnir jadvalida 13-o'rinda bormoqda.