"Barselona" himoyachisi Jyul Kunde jamoaning joriy mavsumdagi muvaffaqiyati sabablarini tushuntirib berdi.

Mavsum boshlanishidan oldin "ko'k-anorranglilar" bosh murabbiyi lavozimini Xavi Ernandes o'rniga Xans-Diter Flik egalladi.

"Bu mavsumda nimalar o'zgardi? Menimcha, Flikka tan berish kerak. U ajoyib murabbiy, o'z futbolini qo'ya oldi. U jamoaning ustunlik qilishini va yuqori bosim o'tkazishini xohlaydi va biz uning talablarini juda yaxshi tushunamiz. Biz mavsum boshidanoq doimiy ravishda takomillashib bormoqdamiz, ammo hali ba'zi narsalarni yaxshilashimiz kerak," - deya Kunde so'zlarini keltiradi Barca Universal.