Xans-Diter Flik "Barselona" bilan shartnomasini uzaytirishga rozi bo'ldi.

RAC1 nashri xabariga ko'ra, nemis mutaxassisi kataloniyaliklar bilan shartnomasini 2027 yilning o'rtalariga qadar uzaytirishni ma'qullagan. Qayd etilishicha, "Barselona" Flik bilan uzoqroq shartnoma imzolamoqchi edi, biroq mutaxassisga bu yondashuv yoqmayapti.

Aytgancha, matbuot anjumanida nemis uzoq muddatli shartnomalarni yoqtirmasligini aytdi. Hozirda Xans-Diter Flikning "Barselona" bilan shartnomasi 2024/2025 yilgi mavsum oxirigacha amal qiladi.

Ispaniya chempionatida "Barselona" etakchilik qilmoqda. 12 aprel, shanba kuni kataloniyaliklar mehmonda "Leganes"ga qarshi bahs olib boradi.