"Barselona" darvozaboni Voytsex Shesnining mag'lubiyatsiz seriyasi "Borussiya" Dortmundga qarshi o'yinda yakunlandi.

Polshalik futbolchi "ko'k-anorranglilar" safida barcha musobaqalarda o'tkazgan 22 ta o'yinda mag'lubiyatga uchramagan. Muvaffaqiyatli seriya seshanba kuni yakuniga etdi: "Barselona" Chempionlar Ligasi 1/4 finalida safarda "Borussiya"ga yutqazdi (1:3). Biroq, mag'lubiyatga qaramay, keyingi bosqichga aynan kataloniyaliklar chiqdi - birinchi o'yinda ular 4:0 hisobida g'alaba qozongandi.

Voytsex Shesni o'tgan yilning oktyabr oyida "Barselona"ga ko'chib o'tgan va yanvar oyida debyut qilgan.