"Barselona" hujumchisi Ansu Fati faoliyatini Ispaniya chempionatining boshqa klubida davom ettirishi mumkin. Bu haqda Todofichajes portali jurnalistlari xabar bermoqda.

Manbaga ko'ra, 22 yoshli futbolchining xizmatlariga La Liganing bir qancha klublari qiziqish bildirmoqda.

"Real Sosedad", "Valensiya", "Sevilya" va "Jirona" Fatini o'z safida ko'rishni istamoqda. Forvardning transfer qiymati besh million evroga baholanmoqda. Tomonlar o'rtasidagi amaldagi mehnat shartnomasi 2027 yilning yozida tugaydi.

Ansu joriy mavsumda La Ligada bor yo'g'i to'rtta o'yinda maydonga tushdi va gol ura olmadi.