Madridning «Real» jamoasi hujumchisi Kilian Mbappe Ispaniya kubogi finalida «Barselona»ga qarshi 26 aprel kuni bo'ladigan o'yinda to'liq harakat qilishiga tayyor. Bu haqda jurnalist Xorxe Pikon (Relevo) ijtimoiy tarmoqda (X, avvalgi Twitter) xabar berdi.Manba ma'lumotiga ko'ra, forvard La Liganing 33-turidan o'rin olgan «Xetafe»ga qarshi safar o'yinini ehtiyot chorasi sifatida o'tkazib yuborishi rejalashtirilgan. U shu kunlarda jamoa bilan birga mashg'ulot o'tkazmoqda va «el-klasiko»da maydonga tushishga tayyor.Avvalroq Mbappe to'pig'idan kichik jarohat olgani haqida xabar berilgan edi.Joriy mavsumda Mbappe barcha musobaqalarda 50 ta uchrashuvda qatnashib, 33 ta gol va 5 ta assist qayd etgan. Uning klub bilan amaldagi shartnomasi 2029 yil yozigacha mo'ljallangan.