Frantsiya terma jamoasining sobiq futbolchisi Jibril Sisse "Real" va "Barselona" klublari o'rtasidagi Ispaniya kubogi finali mojarosi bo'yicha fikr bildirdi.

"Real" klubi televideniesi ushbu o'yinga tayinlangan hakam Rikardo de Burgos Bengoecheaning ishiga salbiy baho berilgan rolikni namoyish etdi. Keyinroq hakam sodir bo'lgan voqeani adolatsizlik deb atadi va matbuot anjumanida yig'lab yubordi.

"Menimcha, bu ehtimoliy mag'lubiyat uchun taktika. Ular undan qo'rqishadi, ehtimol, hatto mag'lubiyatdan ham qo'rqishadi. "Real" o'zini oqlash uchun bahona qidirmoqda," - dedi Sisse.