"Barselona" bosh murabbiyi Xans-Diter Flik "Inter"ga qarshi bo'lib o'tadigan Chempionlar ligasi yarim final o'yinida jamoaning asosiy tarkibiga bir qator o'zgarishlar kiritadi.

Catradio Esports nashrining xabar berishicha, Flik o'yin muhimligiga qaramay rotatsiyaga murojaat qilishi kerak.

"Barselona"ning ko'plab futbolchilari "Real Madrid"ga qarshi Ispaniya kubogi finalidan so'ng jismoniy jihatdan holdan toygan.

Ba'zi futbolchilar o'z vaqtida "neradzurrilar"ga qarshi o'yingacha to'liq tiklanishga ulgurmaydi.