"Inter"ning g'alabasiz seriyasi beshta o'yinga etdi.

Simone Indzagi jamoasi Chempionlar Ligasi yarim finalida "Barselona" bilan durang o'ynadi (3:3).

So'nggi marta milanliklar 12 aprel kuni A Seriyada "Kalyari"ga (3:1) qarshi o'yinda g'alaba qozongandi. Keyin esa EChLda "Bavariya" bilan durang o'ynadi (2:2) va ketma-ket uch marta yutqazdi: "Bolonya" (0:1) va "Roma" (0:1) - chempionatda, "Milan" (0:3) - Italiya kubogida.

3 may kuni "Inter" "Verona"ni, 6 may kuni "Barselona"ni qabul qiladi.