"Barselona" vingeri Rafinya Chempionlar ligasi yarimfinalining birinchi o'yinida "Inter" bilan durang (3:3)ni tahlil qildi.

"Uyda o'ynaganimiz uchun, biz bundan ham yaxshiroq natija ko'rsatishimiz mumkin edi. O'z uyimizda ko'p gol o'tkazib yuborishni qabul qilib bo'lmaydi, lekin biz burchak to'plarida juda kuchli bo'lgan "Inter"ni hurmat qilishimiz kerak.

Javob o'yini uchun hammasi reja bo'yicha ketmoqda, unga yaxshi tayyorgarlik ko'ramiz", dedi braziliyalik.

"Inter" va "Barselona" o'rtasidagi javob o'yini 6 may kuni Milanda bo'lib o'tadi.