Erik Garsiyaning klub bilan shartnomasi 2026 yilning yoziga qadar mo'ljallangan. Biroq, sport direktori Deku kelasi mavsumda jamoada shartnomasi yakuniga etib borayotgan birorta ham o'yinchi qolmasligini ta'minlamoqchi. Bu borada "Barselona" bir qarorga kelishi kerak: yo Garsiyani sotish yoki unga yangi shartnoma taklif qilish.

Diario Sport xabariga ko'ra, klub ikkinchi variantga qaror qilgan va Garsiyaga yangi shartnoma taklif qilinadi. Boshqa klublarning qiziqishiga qaramay, futbolchi "Barselona"ni afzal ko'rishda davom etmoqda.

Bu mavsumda Garsiya “Barselona” safida barcha turnirlarda 39 ta o'yinda maydonga tushib, 3 ta gol va 2 ta golli uzatmaga mualliflik qilgan.